ដោយៈ សាវុធ
ភ្នំពេញៈ នៅពេលអ្នកមានគម្រោងចង់ទិញផ្ទះដំបូង សម្រាប់ក្រុមគ្រួសារឬសម្រាប់ខ្លួនឯងក្រោយពីរៀបការរួច ប៉ុន្តែអ្នកចង់រកកន្លែងដែលមានហុងស៊ុយ ស្ថិតនៅទីប្រជុំជន ងាយស្រួលប្រកបរបររកស៊ីមែនទេ? តើអ្នកដឹងទេថាអ្នកអាចស្វែងរកអ្នកណា អាចជួយអ្នកបាន ហើយអ្នកត្រូវធ្វើអ្វីខ្លះ? គូរចាប់ផ្ដើមពីណាមក?។
កំណត់ទីតាំងកន្លែងដែលអ្នកចង់រស់នៅ
ជំហានដំបូងគេ មុននឹងអ្នកទិញផ្ទះ អ្នកគួរតែគិតគូរកំណត់ពីទីតាំងណា ដែលអ្នកចង់រស់នៅ ឬចង់អោយក្រុមគ្រួសាររបស់អ្នករស់នៅ។ អ្នកចង់បានភាពស្ងប់ស្ងាត់ឬអ៊ូរអរ ចង់រស់នៅទីប្រជុំជនឬជនបទឆ្ងាយពីក្រុង។ អ្នកត្រូវសម្រេចអោយច្បាស់ពីទីតាំង ដែលអ្នកចង់បានហើយទើបងាយស្រួលក្នុងការស្វែងរក។
ទាក់ទងភ្នាក់ងារអចលនទ្រព្យ
បន្ទាប់ពីបានកំណត់ទីតាំងរួចមក អ្នកគួរស្វែងរកភ្នាក់ងារអចលនទ្រព្យ អោយជួយអ្នកក្នុងការរកទីតាំង និងតម្លៃដែលអ្នកមានលទ្ធភាពក្នុងការទិញ ព្រោះពួកគាត់មានព័ត៌មានទាក់ទងនឹងអចលនទ្រព្យនេះ ស្រាប់ហើយមានច្រើនទៀតផង។ គាត់នឹងជួយបង្ហាញនូវអ្វីដែលអ្នកចង់ដឹង ហើយជួយអោយអ្នកមានទទួលបាន នូវជម្រើសជាច្រើនដោយមិនចាំបាច់ចំណាយពេលស្វែងរកដោយខ្លួនឯងឡើយ។
ស្នើកម្ចីបង់រំលោះជាមួយធនាគារឬមីក្រូហិរញ្ញវត្ថុ
ប្រសិនបើអ្នកមិនមានលទ្ធភាពគ្រប់គ្រាន់ក្នុងការទិញទេ អ្នកគួរទៅពិភាក្សាជាមួយគ្រឹះស្ថានធនាគារ ឬមីក្រូហិរញ្ញវត្ថុ ដើម្បីស្នើកម្ចីធ្វើការបង់រំលោះផ្ទះដែលអ្នកចង់ទិញ។
ការធ្វើការរំលោះជាមួយគ្រឹះស្ថានធនាគារ ឬមីក្រូហិរញ្ញវត្ថុនឹងធ្វើអោយអ្នកចំណេញជាងការបង់រំលោះ ជាមួយម្ចាស់ផ្ទះឬបុរីផ្ទាល់ ព្រោះរំលោះជាមួយបុរីការប្រាក់ខ្ពស់ជាងគ្រឹះស្ថានធនាគារឬមីក្រូហិរញ្ញវត្ថុ។
មិនដឹងគួរជ្រើសរើសការរំលស់ ជាមួយគ្រឹះស្ថានធនាគារ ឬមីក្រូហិរញ្ញវត្ថុណាដែលសាកសមសម្រាប់អ្នកមែនទេ?៕
