ដោយៈគង់ សូរិយា
កំពតៈ ការបោះឆ្នោតជ្រើសរើសក្រុមប្រឹក្សាក្រុងបូកគោ នឹងត្រូវធ្វើឡើងនៅថ្ងៃទី ២៥ ខែកក្កដា ឆ្នាំ២០២១ ខាងមុខនេះ ដែលមានបេក្ខភាពខាងគណបក្សនយោបាយចំនួនបួនចូលរួម។
ថ្លែងនៅក្នុង ពិធីជួបសំណេះសំណសួរសុខទុក្ខ ដល់សមាជិក សមាជិកាក្រុមប្រឹក្សាសង្កាត់ទាំងបី នៃអង្គរបោះឆ្នោត ជ្រើសរើសក្រុមប្រឹក្សាក្រុងបូកគោ កាលពីសប្តាហ៍មុនលោកជាវ តាយ ប្រធានគណៈកម្មាធិការគណបក្សខេត្តកំពត បាននាំប្រសាសន៍ ផ្ដាំផ្ញើសួរសុខទុក្ខពីសម្ដេច ប្រធានគណបក្សប្រជាជនកម្ពុជា។
ជាមួយគ្នានេះលោកបានលើកឡើងថា ការបោះឆ្នោតជ្រើសរើសក្រុមប្រឹក្សាក្រុងបូកគោខេត្តកំពត ដែលរៀបចំឡើង ដោយគណៈកម្មាធិការជាតិរៀបចំការបោះឆ្នោត ធ្វើឡើងនៅថ្ងៃទី២៥ ខែកក្កដា ឆ្នាំ២០២១ ខាងមុខនេះ ដែលមានគណបក្សនយោបាយចំនួនចូលរួម គឺណបក្សប្រជាជនកម្ពុជា គណបក្សយុវជនកម្ពុជា គណបក្សសញ្ជាតិកម្ពុជា និងគណបក្សហ៊្វុនស៊ិនប៉ិច។
លោកបន្តថា ការចុះមកសំណេះសំណាល សួរសុខទុក្ខនាពេលនេះ ព្រោះចង់ដឹង អំពីការត្រៀមលក្ខណៈរបស់អង្គបោះឆ្នោត គឺធ្វើយ៉ាងណាជំរុញឲ្យដំណើរកា នៃការបោះឆ្នោតប្រព្រឹត្តទៅដោយរលូន នឹងទទួលបានលទ្ធផលជោគជ័យជូនគណបក្ស។
លោកជាវ តាយ ផ្តាំផ្ញើដល់សមាជិក សមាជិកាក្រុមប្រឹក្សាសង្កាត់ទាំង១៧ រូប នៃសង្កាត់ទាំងបី ដែលជាអង្គបោះឆ្នោត ត្រូវត្រៀម ឯកសារឲ្យបានត្រឹមត្រូវគ្រប់គ្រាន់ និងថែរក្សាសុខភាព ឲ្យបានល្អ ហើយឯកឧត្តមសង្ឃឹមថា ការបោះឆ្នោត ជ្រើសរើសក្រុមប្រឹក្សាក្រុងបូកគោ គណបក្សប្រជាជនពិតជានឹងទទួលបានជោគជ័យ ដើម្បីបន្តកិច្ចអភិវឌ្ឍន៍ មូលដ្ឋានឲ្យបានកាន់តែរីកចំរើន នឹងធ្វើឲ្យជីវភាពប្រជាពលរដ្ឋ កាន់តែល្អប្រសើរថែមទៀត៕
