ដោយៈ សាវុធ
ភ្នំពេញៈ កង្វល់ និងបញ្ហារបស់អ្នកលក់ គឺលក់មិនចេញនូវទំនេញ ឬ សេវាកម្មរបស់ខ្លួនទៅកាន់អតិថិជន។ បើទោះបីលោកអ្នកលក់ទំនិញ ឬសេវាកម្មថ្ងៃនេះ អតិថិជនអ្នកមិនទាន់ទិញក៏ដោយ ក៏អ្នកមិនគួរ មិនរវីរវល់ជាមួយពួកគេដែរ ព្រោះកាលបើអតិថិជនទាក់ទងមកកាន់អ្នក ដើម្បីសាកសួរពីទំនិញ ឬ សេវាកម្មនានារបស់អ្នកហើយ នោះមានន័យថាពួកគេកំពុងមានតម្រូវការហើយ ឬពូកគេអាចទិញទំនិញរបស់អ្នកពេលក្រោយមិនខាន។
១. រក្សាទំនាក់ទំនងល្អជាមួយអតិថិជន
បើទោះជាអតិថិជនមិនទិញ ទំនិញ ឬសេវាកម្មរបស់នៅថ្ងៃនេះក៏ដោយចុះ ក៏អ្នកមិនត្រូវបិទការសន្ទានា ឬបញ្ចប់ទំនាក់ទំនងជាមួយពូកគេឡើយ។ ការមានទំនាក់ទំនងធ្វើអោយអ្នកស្គាល់ពីអតិថិជនច្បាស់ ស្វែងយល់ពីតម្រូវការពិតប្រាកដ របស់អតិថិជនបានច្បាស់ និងយល់ច្បាស់ពីផលវិបាកផ្សេងៗរបស់ពួកគេ។
បើយើងបានស្គាល់អតិថិជន មានតម្រូវការអ្វីពិតប្រាកដហើយ នោះអ្នកដែលជាអ្នកលក់ សេវាកម្មឬទំនិញ ពិតត្រូវតែស្វះស្វែងរករបស់ដែលអតិថិជនត្រូវការ តាមដែរអាចធ្វើទៅបាន។ បើអ្នកអាចស្គាល់ច្បាស់ពីអតិថិជនហើយ នោះអ្នកឈ្នះដៃគូរប្រកួតប្រជែងរបស់ហើយ ព្រោះអតិថិជន និង មិនទៅរកសេវាកម្ម ឬ ទំនិញពីក្រុមហ៊ុន ឬ ស្ថាប័នផ្សេងក្រៅពីអ្នកឡើយ។ អតិថិជន មានអារម្មណ៍ថា ពួកគេជាមនុស្សសំខាន់ និងទទួលភាពកក់ក្ដៅ នៅពេលដែលអ្នកនៅតែធ្វើការទំនាក់ទំនងពួកគេ។
២. បង្កើនទំនុកចិត្ត
ទំនុកចិត្ត មិនមែនងាយនឹងបង្កើតឡើងទេ។ វាកើតឡើងដោយប្រើពេលវេលាយូរ ហើយវាចប់ទៅវិញយ៉ាងតែមួយពព្រិចភ្នែក។ កាលណាអតិថិជនអ្នក មានការទុកចិត្តលើអ្នកហើយនោះ ទោះមានក្រុមហ៊ុន ឬស្ថាប័នណាមកអួសទាញគេ ក៏គេមិនប្រើប្រាស់សេវកម្ម ឬទិញទំនិញរបស់ក្រុមហ៊ុននោះឡើយ។ តើទំនុកកើតឡើងដោយសារអ្វីដែរ? ពិតណាស់ ទំនុកចិត្តកើតឡើងដោយ ការសម្ដែងក្ដីស្មោះត្រង់និងគ្នា។ មួយវិញទៀតនោះ គឺអ្នកត្រូវគោរព និងទទួលខុសត្រូវ ចំពោះសម្ដី និងកាយវិការដែលអ្នកបានប្រព្រឹត្ត។
៣. ស្វះស្វែងអោយអស់ពីសម្ថតភាព
បើកាលណាអតិថិជន មានតម្រូវការអ្វីដែលអ្នកមិនមាន អ្នកមិនគួរ បញ្ចប់ត្រឹមហ្នឹងនោះទេ អ្នកគួរខិតខំរក អ្វីដែរអតិថិជនរបស់អ្នកចង់បាន អោយអស់ពីសម្ថតភាពសិន ចាំអ្នកប្រាប់អតិថិជនរបស់អ្នកថាមិនមាន។ បើអ្នកមិនមានផលិតផលនោះ ជួលកាលដៃគូប្រកួតប្រជែងអ្នក អាចនឹងមាន ដូច្នេះអ្នកមិនគួអត្មានិយម។ ចុងក្រោយ បើអតិថិជនអ្នក មិនពេញចិត្ត ឬមានការខកបំណងនឹងសេវាកម្ម ឬផលិតផលរបស់អ្នកក្ដី ឬពេញចិត្តក្ដី អ្នកមិនត្រូវតែរក្សាការទំនាក់ទំនង ជាមួយអតិថិជនរបស់អ្នកជានិច្ច និងរាល់មុនបញ្ចប់ការសន្ទនា អ្នកគួរប្រើពាក្យពេចន៍ណា ដែលធ្វើអោយអតិថិជនរបស់អ្នកសប្បាយចិត្ត៕
