ដោយៈ ម៉ាណេត
ភ្នំពេញៈ ក្រុមហ៊ុន Wyndham Hotels & Resortsដែលជាក្រុមហ៊ុនវិនិយោគផ្នែកបដិសណ្ឋារកិច្ចដ៏ធំលើពិភពលោក បានប្រកាសបើកដំណើរការលំដាប់ផ្កាយ៥របស់ខ្លួននៅក្រុងព្រះសីហនុ។
ក្រុមហ៊ុននេះ ជាប្រភេទក្រុមហ៊ុសណ្ឋាគារ និងផ្តល់សេវាកម្ម គ្រប់គ្រងសណ្ឋាគារធំជាងគេបំផុតលើពិភពលោក និងមានសណ្ឋាគារចំនួន៨៩០០កន្លែង នៅទូទាំងប្រទេសចំនួន៩៥នៅទ្វីបចំនួន។
ក្រុមហ៊ុននេះ បានបើកដំណើរសណ្ឋាគារដំបូងរបស់ខ្លួន (Howard Johnson Plaza by Blue Bay Sihanoukville) នៅប្រទេសកម្ពុជា។
សណ្ឋាគារ Wyndham Blue Bay Sihanoukville ដែលជាសណ្ឋាគារលំដាប់ផ្កាយ៥ មានកម្ពស់៣៦ជាន់ និងមានបន្ទប់៣២២ ដែលមានទីតាំងយ៉ាងល្អឥតខ្ចោះនៅឆ្នេរឯករាជ្យ ក្រុងព្រះសីហនុ។ នេះបើយោងតាមសេចក្តីប្រកាសព័ត៌មានរបស់ក្រុមហ៊ុន នៅយប់ថ្ងៃទី១៨ ខែកុម្ភៈ ឆ្នាំ២០២១ ។
លោក Joon Aun Ooi ប្រធានក្រុមហ៊ុន Wyndham Hotels & Resorts ប្រចាំតំបន់អាស៊ីប៉ាស៊ីហ្វិក បានថ្លែងថា យើងអបអរសាទរ ក្នុងការឈានជើងរបស់ក្រុមហ៊ុន Wyndham Hotel & Resorts ចូលមកក្នុងប្រទេសកម្ពុជា ជាមួយនឹងការបើកដំណើរការសណ្ឋាគារ Howard Johnson Plaza by Wyndham Blue Bay Sihanoukville នៅខេត្តព្រះសីហនុ។
លោកបានថ្លែងថា “នៅទូទាំងអាស៊ីប៉ាស៊ីហ្វិក យើងប្តេជ្ញាបង្កើនផលប័ត្ររបស់យើង នៅក្នុងទិសដៅដ៏អស្ចារ្យ ដូចជាក្រុងព្រះសីហនុ ហើយយើងមានជំនឿចិត្តថា ទីតាំងសំខាន់របស់សណ្ឋាគារ នៅតាមឆ្នេររួមជាមួយភាពល្អឥតខ្ចោះ នឹងធ្វើឱ្យក្លាយជាកន្លែង ដែលគួរឱ្យចង់ស្នាក់នៅបំផុតនៅក្នុងទីក្រុងនេះ” ។
លោកថ្លែងទៀតថា “នេះគឺជាព្រឹត្តិការណ៍ដ៏អស្ចារ្យ មិនគួរឱ្យជឿមួយសម្រាប់ក្រុមហ៊ុន Wyndham ហើយយើងទន្ទឹងរង់ចាំ ដើម្បីបង្កើនសន្ទុះកំណើនដ៏រឹងមាំរបស់យើង។
លោកបានឱ្យដឹងទៀតថា តាមរយៈភាពរីកចម្រើន នៃការផ្តល់សិទ្ធិផ្តល់សិទ្ធិប្រ៊ែនសណ្ឋាគារ និងកិច្ចសន្យាគ្រប់គ្រងដ៏រឹងមាំរបស់យើងនៅទូទាំងតំបន់ យើងរំពឹងថានឹងមានការបើកដំណើរការ សណ្ឋាគារជាង១០០កន្លែងបន្ថែមទៀត នៅអាស៊ីអាគ្នេយ៍ក្នុងរយៈពេល៣ ទៅ៥ឆ្នាំខាងមុខ។ លោកបានបន្តថា នេះនឹងពង្រឹងតម្លៃរបស់យើង សម្រាប់សមាជិកក្រុមហ៊ុន Wyndham ក៏ដូចជាសម្រាប់ម្ចាស់គម្រោង និងដៃគូរបស់យើងផងដែរ។
ម៉ាកយីហោ ឬប្រេន Howard Johnson by Wyndham នឹងបន្តការពង្រីកខ្លួននៅអាស៊ីអាគ្នេយ៍ បន្ទាប់ពីការបើកដំណើរការសណ្ឋាគារBlue Bay Sihanoukville និងការបើកដំណើរប្រ៊ែនរបស់នៅប្រទេសចិន និងកូរ៉េខាងត្បូងដោយជោគជ័យ។
Howard Johnson by Wyndham គឺជាប្រ៊ែនសណ្ឋាគារ ដែលត្រូវបានទទួលស្គាល់ជាសកលជាមួយនឹងសណ្ឋាគារ នៅក្នុងទីតាំងជាង៣២០កន្លែង នៅទូទាំងទ្វីបចំនួន៣ រួមមានអាមេរិកខាងជើង អាមេរិកខាងត្បូង និងអាស៊ី៕
