ប្រទេសចិន: ការវិនិយោគក្នុងវិស័យអចលនទ្រព្យនៅប្រទេសចិន ក្នុងរយៈពេល ២ ខែដើមឆ្នាំ២០២១ នេះបានកើនឡើងខ្ពស់រហូតដល់ ៣៨,៣% គួរឱ្យភ្ញាក់ផ្អើល។ នេះបើយោងតាមទិន្នន័យដែលការិយាល័យជាតិស្ថិតិនៃប្រទេសនេះបានបញ្ចេញកាលពីថ្ងៃច័ន្ទ ទី១៥ មីនា។
យោងតាមសារព័ត៌មាន Global Times ចុះផ្សាយក្នុងថ្ងៃដដែលឱ្យដឹងថា ចាប់ពីខែមករា ដល់ខែកុម្ភៈ ដើមឆ្នាំនេះ ការវិនិយោគក្នុងវិស័យអចលនទ្រព្យទូទាំងប្រទេសចិន បានឈានដល់ ១,៣៩៨៦ ទ្រីលានយ័ន (២១៥,២ ពាន់លានដុល្លារអាមេរិក) ដោយកើនឡើង ៣៨,៣% ធៀបនឹងឆ្នាំ២០២០ និងកើនឡើង ១៥,៧% បើធៀបនឹងរយៈពេលពីខែមករា ដល់ខែកុម្ភៈ ក្នុងឆ្នាំ២០១។ ហើយក្នុងនោះ ការវិនិយោគលើលំនៅដ្ឋានមានចំនួន ១,០៣៨៧ ទ្រីលានយ័ន (១៦០ ពាន់លានដុល្លារអាមេរិក) ដោយកើនឡើង ៤១,៩% ។
ផ្ទៃសរុបនៃផ្ទះអាជីវកម្មដែលត្រូវបានលក់ចេញទូទាំងប្រទេសមានចំនួន ១៧៣,៦៣ លានម៉ែត្រការ៉េក្នុងខែមករា និងខែកុម្ភៈ ដោយកើនឡើង ១០៤,៩% បើធៀបនឹងឆ្នាំ២០២។ ទំហំនៃការលក់ផ្ទះអាជីវកម្មបានឈានដល់ ១,៩១៥១ ទ្រីលានយ័ន (២៩៥ ពាន់លានដុល្លារអាមេរិក) ដោយកើនឡើង ១៣៣,៤% ធៀបនឹងឆ្នាំ២០២០ ។
ផ្អែកតាមតម្លៃផ្ទះជាមធ្យមដែលការិយាល័យជាតិស្ថិតិបានបញ្ចេញបង្ហាញថា សន្ទស្សន៍តម្លៃសម្រាប់លំនៅដ្ឋានថ្មីៗក្នុងទីក្រុងចំនួន ៧០ ក្នុងខែកុម្ភៈ បានឡើងថ្លៃ ០,៤% ខែធៀបនឹងខែ ហើយឡើងថ្លៃ ៤,១% ឆ្នាំធៀបនឹងឆ្នាំ។
ទន្ទឹមនេះ ការវិនិយោគលើហេដ្ឋារចនាសម្ព័ន្ធបានកើនឡើង ៣៦,៦% ឆ្នាំធៀបនឹងឆ្នាំ ចំណែកឯការវិនិយោគលើផលិតកម្មបានកើនឡើន ៣៧,៣% ៕
