មន្ត្រីថៃថា ហិរញ្ញវត្ថុឌីជីថលនឹងជួយជម្រុញកំណើនសេដ្ឋកិច្ចថៃ នៅឆ្នាំក្រោយ

ដោយៈ ស្រីលិះ

ថៃ៖ យោងតាមរដ្ឋមន្រ្តីហិរញ្ញវត្ថុថៃ បាននិយាយកាលពីថ្ងៃពុធថា ហិរញ្ញវត្ថុឌីជីថលរបស់ថៃនិងក្លាយជាការជំរុញដ៏សំខាន់ដើម្បីកំណើនសេដ្ឋកិច្ចឆ្នាំក្រោយ និងកំពុងជួយឱ្យអាជីវកម្មខ្នាតតូចទទួលបានការប្រើប្រាស់ឥណទានកាន់តែច្រើន បន្ទាប់ពីការតស៊ូដើម្បីឈរជើងបានក្នុងកំឡុងពេលជំងឺរាតត្បាត។

សហគ្រាសធនតូចនិងមធ្យម ( SME ) ជាស្នូលសេដ្ឋកិច្ច បានរងផលប៉ះពាល់យ៉ាងខ្លាំងដោយការធ្លាក់ចុះនៃប្រាក់ចំណូល កង្វះខាតនៃប្រាក់ ដោយសារតែប៉ះពាល់នៃការផ្ទុះឡើងនៃកូវីដ១៩។

រដ្ឋមន្ត្រីហិរញ្ញវត្ថុ Arkhom Termpittayapaisith បានប្រាប់សន្និសិទសារព័ត៌មាននៅក្នុងការបើកដំណើការនៃការផ្គត់ផ្គង់ខ្សែសង្វាក់ឌីជីថលហិរញ្ញវត្ថុ ថា មានតែក្រុមហ៊ុនខ្នាតតូចៗមួយចំនួនក្នុងចំណោមក្រុមហ៊ុនខ្នាតតូចៗប្រហែល ៣លានប៉ុណ្ណោះដែលទទួលបានវិធានការគាំទ្រហិរញ្ញវត្ថុ។

សេវាកម្មគឺជាផ្នែកមួយនៃហិរញ្ញវត្ថុឆ្លាតវៃមួយនិងហេដ្ឋារចនាសម្ព័ន្ធទូទាត់សម្រាប់គម្រោងអាជីវកម្ម ដែលភ្ជាប់និងភ្នាក់ងាររដ្ឋាភិបាល អ្នកផ្តល់កម្ចី និងអាជីវកម្មបច្ចេកវិទ្យាឌីជីថល។

ព្យាករណ៍កំណើនសេដ្ឋកិច្ចរហូតដល់៤.៥% នៅឆ្នាំក្រោយ លោក Arkhom បាននិយាយថា នេះនឹងក្លាយជាកត្តាជំរុញសេដ្ឋកិច្ចក្នុងឆ្នាំ២០២២។ វាលឿននិងមានប្រសិទ្ធភាពខ្ពស់។

តាមការស្ទាបស្ទង់ថ្មីៗនេះបានបង្ហាញថា សហគ្រាសធនតូចនិងមធ្យមដែលមានសាច់ប្រាក់ប្រហែល៤០%នៃផលិតផលក្នុងស្រុកសរុបរបស់ប្រទេសថៃ និងការងារចំនួន១៥លាន កំពុងស្ថិតនៅក្នុងដំណាក់កាលបិទទ្វារ។

លោក Sethaput Suthiwartnarueput ទេសាភិបាលធនាគារកណ្ដាលថៃ បានប្រាប់សន្និសិទកាសែតថា គម្រោងអាចនិង “ជាអ្នកផ្លាស់ប្ដូរហ្គេម” ដែលនិងគាំទ្រដល់វិស័យអាជីវកម្មក្នុងការផ្លាស់ប្ដូរឌីជីថល៕